Ilinniakkat naammassineqartut

Ataani takuneqarsinnaapput 2016-imi ilinniakkat naammassineqartut, Kalaallit Nunaanni ilinniarfinni assigiinngitsuni.

 

Titartagaq 3. 2013-imit 2016-imut Kalaallit Nunaanni ilinniakkat naammassineqartut

Najoqqutaq: Naatsorsueqqissaartarfik – Kisitsisaataasivimmi kisitsisit (http://bank.stat.gl/UDNISC11H).

 

Ukiut ingerlanerini amerleriartoqarsimavoq, pingaartumik ukiut pingasukkaarlugit Perorsaanermi Ilinniarfimmi Ilulissaniittumi najugaq qimannagu perorsaasutut ilinniarnernik aallartittoqartarnera peqqutaalluni. 2016-imi ilinniakkat naammassineqartut 172-iupput, taakkunannga 105-it Ilisimatusarfimminngaanneerlutik.

 

Titartagaq 4.-rimi takutinneqarpoq Kalaallit Nunaanni ilinniakkat naammassineqartut ilinniakkat suunerinut agguaallugit.

 

Titartagaq 4. 2016-imi Kalaallit Nunaanni ilinniakkat naammassineqartut, ilinniakkani assigiinngitsuni

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDISC11H).

 

Agguaqatigiissillugu 30 procentiulluni annertunerpaaq Ilinniarnermut tunngasumik ilinniarnerniippoq, tassunga ilaavoq meeqqat atuarfianni ilinniartitsisunngorniarneq, inuussutissarsiutigalugu bacheloritut ilinniarfiusoq. Tulliuvoq 27 procentiulluni Peqqinnissaq aammalu Atugarissaarnerminngaanneerpoq inuussutissarsiutigalugu bacheloritut ilinniakkani soorlu inunnik isumaginninnermut siunnersortitut, perorsaasutut aammalu peqqissaasutut ilinniakkaninngaanneerluni.

Inuussutissarsiorneq, allaffissorneq aammalu inatsisilerineq 2016-imi ilinniakkani naammassineqartuni 19 procentiusimavoq, ilinniagaq taanna ingerlariaqqiffiusumik ilinniarfinni sivikinnermi kisimi nassaassaavoq. Assersuutigalugu akademiøkonomi ilinniakkami aamma ilaavoq.

Bacheloritut kandidatitullu qaffasissusilinni Inuiaqatigiilerinermi tusagassiuutilerinermi aammalu paasissutissalerinermi ilinniakkat amerlanerpaanik naammassisoqarsimapput.